БАРЛЫҚ ТАПСЫРЫС БЕРУШІЛЕРГЕ!!!

 «Мемлекеттік сатып алу туралы» Заңның (бұдан әрі – Заң) 39-бабы                 3-тармағының 42) тармақшасына сәйкес мемлекеттік сатып алу туралы шартты тікелей жасасу арқылы бір көзден алу тәсілімен мемлекеттік сатып алу біртекті тауарлардың, жұмыстардың, көрсетілетiн қызметтердің құндық мәндегі жылдық көлемі республикалық бюджет туралы заңда тиісті қаржы жылына белгіленген жүз еселенген айлық есептік көрсеткіш мөлшерінен аспаса, осындай біртекті тауарлар, жұмыстар, көрсетілетін қызметтер сатып алынған жағдайда жүзеге асырылады.

Заңның 51-бабының 2-тармағында  мемлекеттік сатып алуды ұйымдастырушылар тауарлардың, жұмыстардың, көрсетілетін қызметтердің жекелеген түрлерін мемлекеттік сатып алуды өткізу кезінде Қазақстан Республикасы мүгедектерінің қоғамдық бірлестіктері мен Қазақстан Республикасы мүгедектерінің қоғамдық бірлестіктері құрған ұйымдардан сатып алуды жүзеге асыратындығы көзделген.

Заңның 51-бабының 4-тармағында Заңның 51-бабының 2-тармағына сәйкес мемлекеттік сатып алуды жүзеге асыру кезінде мемлекеттік сатып алуды ұйымдастырушы хабарландыру мәтінінде мемлекеттік сатып алу тек қана тауарларды өндіретін және (немесе) беретін, жұмыстарды орындайтын, қызметтерді көрсететін Қазақстан Республикасы мүгедектерінің қоғамдық бірлестіктері мен Қазақстан Республикасы мүгедектерінің қоғамдық бірлестіктері құрған ұйымдар арасында жүзеге асырылатындығы көрсетілген.

Сонымен бірге Заңның 41-бабының 1-тармағында мемлекеттік сатып алу туралы шартты тікелей жасасу жолымен бір көзден алу тәсілімен мемлекеттік сатып алуды жүзеге асыру кезінде тапсырыс беруші өнім берушіні айқындайтындығы және онымен мемлекеттік сатып алу веб-порталы арқылы мемлекеттік сатып алу туралы шарт жасайтындығы көзделген.

Осылайша, Заңның 39-бабы 3-тармағының 42) тармақшасы бойынша мемлекеттік сатып алу туралы шарт жасасу тапсырыс берушінің хабарландыру жарияламай, яғни бәсекелестік негізге сүйенбей өнім берушіні анықтауы арқылы жүзеге асырылады.

Жоғарыда баяндалғандардың негізінде Заңның 39-бабының 3-тармағының 42) тармағы бойынша тауарларды, жұмыстарды, қызметтерді сатып алу кезінде тауарлардың, жұмыстардың, қызметтердің жекелеген түрлерін Қазақстан Республикасы Үкіметінің 2015 жылғы 31 желтоқсандағы № 1181 қаулысымен бекітілген, тауарларды өндіретін және (немесе) беретін, жұмыстарды орындайтын, қызметтерді көрсететін Қазақстан Республикасы мүгедектерінің қоғамдық бірлестіктері мен Қазақстан Республикасы мүгедектерінің қоғамдық бірлестіктері құрған ұйымдар арасында сатып алу жөніндегі талап сақталмауы мүмкін».

ҚҰРМЕТТІ МЕМЛЕКЕТТІК САТЫП ВЕБ-ПОРТАЛЫН ПАЙДАЛАНУШЫЛАР!

 ҚАРЖЫЛЫҚ ҚЫЗМЕТТЕР КӨРСЕТУ ЖӨНІНДЕГІ БАРЛЫҚ ТАПСЫРЫС БЕРУШІЛЕР МЕН ӨНІМ БЕРУШІЛЕРГЕ!!!
Қазақстан Республикасының Қаржы министрлігі қаржылық қызметтер көрсету бойынша мемлекеттік сатып алу туралы шартты орындау мәселелері жөнінде келіп түскен хаттарды қарап, мынаны хабарлайды.
Салық кодексінің 263-бабы 15-тармағының 6) тармақшасына сәйкес, егер осы бапта өзгеше көзделмесе, Салық кодексінің 250-бабында көзделген қызметтер көрсетілген жағдайда шот-фактура жазып беру талап етілмейді.
Салық кодексінің 250-бабына сәйкес, Салық кодексі 250-бабының 2-тармағында көзделген қаржылық операциялар қосылған құн салығынан босатылады.
Салық кодексі 250-бабының 2-тармағында қосылған құн салығынан босатылатын қаржылық операциялар, соның ішінде аударым және кассалық операциялар көзделген.
Бұдан басқа Салық кодексі 263-бабының 16-тармағында Салық кодексінің 263-бабы 15-тармағының 6) тармақшасында көзделген қызметтер бойынша өнім берушінің, яғни қаржылық қызметтер көрсетілген жағдайда тауарларды, жұмыстарды, қызметтерді алушының талабы бойынша шот-фактура жазып беру міндеттері жоқ.
Бұған қоса «Төлемдер және төлем жүйелері туралы» Заңның нормаларына сәйкес қаржылық қызметтер көрсетілгені үшін комиссияны өндіріп алу төлемнің және (немесе) шартта көзделген ақша аударымының сомасынан шегеру арқылы, яғни қаржылық қызмет көрсетілген сәтте жүзеге асырылуы мүмкін.
Жоғарыда баяндалғанның негізінде қаржылық қызметтер көрсету бойынша мемлекеттік сатып алу туралы шартты орындауды, қызметтер көрсету актісін ресімдемей және электрондық шот-фактуралардың ақпараттық жүйесі арқылы жазып берілген электрондық шот-фактураны ресімдемей веб-портал арқылы жүзеге асыру мүмкін деп есептейміз.
Тиісті түзетулер Мемлекеттік сатып алуды жүзеге асыру қағидаларына енгізілетін болады. 

ҚҰРМЕТТІ МЕМЛЕКЕТТІК САТЫП АЛУДЫҢ ТАПСЫРЫС БЕРУШІЛЕРІ!

Жаңарту және броньнан шығару тәртібімен шығарылатын мемлекеттік материалдық резервтің материалдық құндылықтарының 2017 жылға арналған тізбесімен мынадай сілтеме бойынша өтіп танысуға болатындығын хабарлаймыз

ҚҰРМЕТТІ МЕМЛЕКЕТТІК САТЫП АЛУДЫҢ ТАПСЫРЫС БЕРУШІЛЕРІ!

Мемлекеттік сатып алу веб-порталында 2017 жылға жылдық жоспарларды орналастыру үшін МС субъектілері болып табылмайтындарға арналған мемлекеттік сатып алу жылдық жоспарын импорттау үлгісі жаңартылды.

Жұмыс істеу алдында жылдық жоспар үлгісін толтыру нұсқаулығымен танысуды өтінеміз.

ҚҰРМЕТТІ МЕМЛЕКЕТТІК САТЫП АЛУ ВЕБ-ПОРТАЛЫН ПАЙДАЛАНУШЫЛАР!

Қазақстан Республикасының Қаржы министрлігі Анықтамалықты тауарлар, жұмыстар және қызметтер бойынша жаңа жайғасымдармен толықтыруға/өзгертуге арналған өтінімдерді www.enstru.kz сайты арқылы ұсыну бойынша жауапты тұлғалар белгілеген пайдаланушыларды 2017 жылғы 20 қаңтарға дейін тіркеу қажеттілігі туралы хабарлайды.

Анықтамалықты тауарлар, жұмыстар және қызметтер бойынша жаңа жайғасымдармен толықтыруға/өзгертуге арналған өтінімдерді бұдан әрі беру тәртібі www.enstru.kz сайтында тіркеуден өткен пайдаланушылар арқылы ғана жүргізілетіндігін атап өту қажет.

Сонымен бірге «Самұрық-Қазына Келісімшарт» ЖШС осы пайдаланушыларды 2017 жылғы 25 қаңтарда 16-00 сағатта Анықтамалықтың жайғасымдарын өзгертуге өтінімдерді тіркеу және ұсыну тәртібі бойынша веб-семинар арқылы оқытуды жоспарлауда. Осыған байланысты Министрлік осы оқытуға мүдделі пайдаланушылардың кандидатураларын 2017 жылғы 23 қаңтарға дейінгі мерзімде B.Imangalieva@minfin.gov.kz электрондық мекенжайына жолдауды сұрайды.

ҚҰРМЕТТІ МЕМЛЕКЕТТІК САТЫП АЛУ ПОРТАЛЫН ПАЙДАЛАНУШЫЛАР!

«Тауарларды өндіретін және (немесе) беретін, жұмыстарды орындайтын, қызметтерді көрсететін Қазақстан Республикасы мүгедектерінің қоғамдық бірлестіктері мен Қазақстан Республикасы мүгедектерінің қоғамдық бірлестіктері құрған ұйымдардан сатып алынатын тауарлардың, жұмыстардың, көрсетілетін қызметтердің жекелеген түрлерінің тізбесін бекіту және Қазақстан Республикасы Үкіметінің кейбір шешімдерінің күші жойылды деп тану туралы» Қазақстан Республикасы Үкіметінің 2015 жылғы 31 желтоқсандағы № 1181 қаулысына өзгерістер енгізілгендігін Сіздің назарыңызға жеткіземіз (ҚРҮҚ құжаттарына және ҚРҮҚ қосымшаға сілтеме).

ҚҰРМЕТТІ МЕМЛЕКЕТТІК САТЫП АЛУ ВЕБ-ПОРТАЛЫНЫҢ ТАПСЫРЫС БЕРУШІЛЕРІ ЖӘНЕ ҰЙЫМДАСТЫРУШЫЛАРЫ!

Мемлекеттік сатып алу веб-порталы «2016 Сатып алу» модулінің функционалдылығын жаңартумен байланысты, 2016 жылы құрылған хабарландырулардың жобалары 2017 жылда жариялануға жатпайтынын хабарлаймыз. Сатып алуды құруды жариялау жүргізілетін жылда жүзеге асыруды өтінеміз.

2017 жылғы 1 қаңтардан бастап 3 қаңтарды қоса алғанда жоғарыда аталған модульде хабарландыруларды құруға қолжетімділік жабық болатынын қосымша хабарлаймыз.

Уақытша қолайсыздықтар үшін кешірім өтінеміз.

ҚҰРМЕТТІ ПАЙДАЛАНУШЫЛАР

«Қолданыста», «Орындалды» мәртебесіндегі шарттар үшін шартты сатып алуды өткізу қорытындыларына дейін ұзартуға арналған қосымша келісімді құру мүмкіндігі іске қосылды. Алдын-ала 2017 жылға арналған жылдық жоспар жобасын құру қажет, онда қосымша келісімді құру негізімен – Заңның 43-б. 18-т. жоспардың жаңа тармағын құру қажет. Шартты осындай тауарлардың, жұмыстардың, көрсетілетін қызметтердің көлемінен аспайтын көлемде, конкурс не аукцион тәсілімен қорытындылар шығарылғанға дейінгі кезеңге сатып алуды өткізу мерзімі, бірақ екі айдан аспайтын мерзім ішінде ұзарту. Жоспардың осы тармағы негізгі шарттың жоспар тармағымен байланысқан болуы тиіс. Сатып алу тәсілі негізгі шарттағыдай таңдалады.

2017 жылы нақты орындау жоспарланған шарттарды орындау үшін (орындалған жұмыстардың/көрсетілген қызметтердің фактісі бойынша төленетін кезде) нақты төлемдерді ағымдағы жылдың аяғында толтыру қажет. Өнім беруші төлеуге берілетін шотты бергеннен кейін 2017 жылы нақты орындалған жұмыстардың/көрсетілген қызметтердің нәтижесінде алынған соманы ұлғайуға/азайтуға арналған қосымша келісімді құру қажет (жоспар тармағын өзгерту немесе құру қажет болғанда 2016 жылғы жылдық жоспарға өзгерістер енгізу қажет).

ҚҰРМЕТТІ ВЕБ-ПОРТАЛДЫ ҚОЛДАНУШЫЛАР!

2017 жылдың 1-қаңтарынан бастап Мемлекеттік сатып алуды жүзеге асыру қағидаларына енгізілген өзгерістер күшіне енетіндігін хабарлаймыз (Қаржы Министрлігінің 03.10.2016ж. №521және 22.12.2016ж. №683 бұйрықтары).

Енгізілген өзгерістердің негізгі жаңашылдығы болып:

біріншіден, тауарларды жеткізу, жұмыстарды орындау, қызметтерді көрсету актілерінің тек қана электронды нысанда веб-портал арқылы рәсімделуі;

екіншіден, электрондық шот-фактуралар ақпараттық жүйесі арқылы жазылған шот-фактуралардың тек қана электронды нысанда рәсімделуі (Нормативтік құқықтық актілерді мемлекеттік тіркеу тізілімінде № 10423 болып тіркелген «Электрондық нысанда жазып берілетін шот-фактуралардың құжат айналымының қағидаларын бекіту туралы» ҚР Қаржы министрінің 2015 жылғы 9 ақпандағы № 77 бұйрығы);

үшіншіден, өнім берушімен электронды нысанда веб-портал арқылы рәсімделетін жергілікті қамту үлесі бойынша есепті міндетті түрде ұсынуы табылады.

ҚҰРМЕТТІ GOSZAKUP.GOV.KZ ВЕБ-ПОРТАЛЫНЫҢ ПАЙДАЛАНУШЫЛАРЫ!

Қол қоюға арналған бағдарлама нұсқасы жаңартылғанын хабарлаймыз, жаңартылуда файлдарға қол қоюмен байланысты қателік түзетілген.

Қателіктерді жою үшін, бағдарламаның жаңартылған нұсқасын жүктеңіз және тіркеу бойынша пайдаланушының нұсқаулығына сәйкес орнатыңыз.