2026-01-15 09:17:36

ЕСЕБУЛАТОВА АЙГЕРИМ КАБЫТАЕВНА

Представить разъяснение положений конкурсной документации

Конкурстық құжаттаманы талқылау барысында түскен «3 мың адамды жұмысқа орналастыру бойынша талап тым қиындатылған талап емес пе?» деген сұраққа байланысты төмендегіні хабарлаймыз. Техникалық ерекшелікте көзделген кемінде 3 000 жас азаматты жұмысқа орналастыру немесе жұмысқа орналастыруға жәрдемдесу талабы Тапсырыс беруші тарапынан жобаның мақсаттары мен міндеттерін ескере отырып, саналы түрде және негізді түрде белгіленген. Аталған талап жастарды тікелей жұмысқа орналастыруды ғана емес, сондай-ақ жұмыспен қамтуға жәрдемдесу бойынша нақты және өлшенетін іс-шаралар кешенін қамтиды, оның ішінде: жастарды жұмыс берушілерге бағыттау және іріктеу; жұмыс берушілермен кездесулер мен мансаптық іс-шаралар ұйымдастыру; мансап орталықтарымен және уәкілетті жұмыспен қамту органдарымен өзара іс-қимыл жасау; жастардың жеке кейстерін жұмысқа орналасқанға дейін сүйемелдеу; мемлекеттік жұмыспен қамту және кәсіби оқыту бағдарламаларына қатысуға жәрдемдесу; жұмыс берушілермен және басқа ұйымдармен ынтымақтастық туралы меморандумдар жасау. Осылайша, көрсетілген талап формалды немесе тек ақпараттық сипатта емес, нақты әлеуметтік нәтижеге қол жеткізуге бағытталған. Аталған көрсеткіш бір жылдық есептік кезеңге белгіленеді және Өнім беруші тарапынан тиісті бюджет жылы шеңберінде толық көлемде орындалуы тиіс. Сонымен қатар, 2025 жылы Жетісу облысында NEET санатындағы жастармен жұмыс бойынша ұқсас жоба іске асырылғанын атап өтеміз. Оның нәтижесінде: NEET жастарының үлесі 10,5%-дан 7,5%-ға дейін төмендеді; ОЦК есебінде тұрған жастар саны 7 219-дан 3 939 адамға дейін азайды; ҰСБ деректері бойынша жастар арасындағы жұмыссыздық деңгейі 4,1%-дан 1,7%-ға дейін төмендеді. Бұл көрсеткіштер техникалық ерекшелікте көзделген талаптардың орындалуы мүмкін, шынайы және өңірдің әлеуметтік-экономикалық жағдайына сай екенін көрсетеді. Осыған байланысты Тапсырыс беруші техникалық ерекшелікте белгіленген талаптарды: негізделген; жобаның мақсаттары мен міндеттеріне сай; нақты әлеуметтік әсерге бағытталған деп санайды.
Осы сұрақ бойынша конкурстық құжаттамаға өзгерістер енгізу қажеттілігі жоқ деп есептейміз.